洋鬼子火警鐘

住係英國一年幾印象最深係乜野呢? 火警鐘必定入三甲.
火警鐘聲固然係大聲, 以前中學走火警既時候果種大聲係會令你掩耳走, 但係洋鬼子既火警鐘一響, 你唔會有時間去諗掩耳, 只係識走, 因為掩得耳黎耳都聾埋.
不過大聲都唔係問題, 大聲夾無準先係罪狀, 佢係可以響十秒停幾分鐘再響十秒, 然後又停過, 當你以為無事既時候佢又會得閒響幾下, 久經訓練之下聽到火警鐘響只會戴耳塞留係房. 我只可以話如果真係火燭既話我係呢度開窗跳落街都唔死得, 你即管響啦!