奇文共賞

唔好怪我悶, 只可以怪我太無聊日日都搵到 D 奇文黎睇.

南早蘋果一條褲　遮得左來右穿窿通

常 大 戶 人 家 做 喜 事 ， 梗 係 有 乞 兒 擁 門 口 ， 諗 住 抓 爛 腳 搵 數 ， 乞 番 冷 飯 菜 汁 醫 肚 。 若 然 主 人 家 唔 得 閒 騷 佢 ， 佢 就 會 多 多 牢 騷 ， 擘 大 喉 嚨 唱 衰 人 。 呢 ！ 呢 排 東 方 報 業 集 團 大 發 神 威 ， 《 太 陽 報 》 榮 升 報 壇 二 哥 ， 同 《 東 方 日 報 》 大 哥 真 係 龍 兄 虎 弟 ， 包 辦 全 港 暢 銷 大 報 連 贏 位 ， 真 係 雙 喜 臨 門 ！ 咁 喜 慶 日 子 ， 報 壇 大 戶 人 家 門 口 ， 同 樣 有 人 發 出 唱 衰 噪 音 ， 之 唔 係 份 《 南 華 早 報 》 囉 ！ 話 時 話 ， 呢 份 咁 西 報 ， 依 家 佢 唔 嘈 ， 都 怕 冇 咩 人 記 得 佢 咯 ！ 回 歸 之 前 ， 都 仲 話 有 前 港 英 政 府 ， 西 人 西 報 同 聲 同 氣 ， 周 時 放 料 畀 南 早 ， 等 佢 做 政 府 傳 聲 筒 。 其 實 ， 咁 已 經 夠 瘀 皮 啦 ， 點 知 回 歸 之 後 ， 佢 連 呢 瓣 都 冇 埋 ！ 又 係 ， 中 國 人 地 方 ， 咁 西 報 梗 係 冇 運 行 啦 ！ 南 早 銷 路 係 咁 縮 ， 縮 完 可 以 再 縮 ， 縮 到 佢 自 己 都 要 縮 皮 、 縮 紙 。 總 之 乜 都 縮 ！ 佢 又 真 係 冇 改 錯 名 呀 ， 早 就 係 早 ， 不 過 就 係 「 早 抖 」 個 早 ！ 南 早 自 己 冇 晒 權 威 同 地 位 ， 就 梗 係 眼 紅 人 「 東 方 紅 ， 太 陽 升 」 ！ 咁 咪 衰 衰 咁 挨 身 挨 勢 ， 胡 說 八 道 甚 麼 《 太 陽 報 》 優 惠 促 銷 ， 張 張 報 紙 包 括 《 蘋 果 日 報 》 都 冇 影 響 ， 淨 係 傷 及 《 東 方 日 報 》 喎 。 哈 ， 呢 個 咁 奇 特 講 法 ， 就 好 似 有 一 舊 雲 專 登 功 夫 茶 頭 上 落 雨 ， 其 他 地 方 滴 雨 不 沾 。 南 早 家 陣 唔 通 不 再 報 道 新 聞 ， 而 係 專 講 卡 通 故 事 ？ 驕 陽 似 火 ， 日 麗 中 天 ， 太 陽 冇 花 冇 假 ， 實 銷 三 十 八 萬 份 ， 有 會 計 師 行 核 實 ； 而 《 蘋 果 日 報 》 自 稱 印 數 三 十 五 萬 ， 扣 除 廢 紙 以 及 報 攤 成 幢 「 一 柱 擎 天 」 ， 賣 唔 去 賣 剩 蔗 ， 咁 實 銷 幾 多 份 自 己 心 照 啦 ！ 南 早 被 迫 出 手 掩 護 ， 以 卡 通 故 事 轉 移 視 線 ， 夾 硬 話 太 陽 傷 東 方 。 哈 ， 咁 都 得 ？ 蘋 果 同 南 早 好 似 二 人 三 足 ， 兩 個 埋 同 一 條 縮 水 褲 ， 要 拉 呢 忽 去 遮 蘋 果 左 邊 屁 股 ， 咁 又 會 顯 出 南 早 右 邊 穿 窿 。 總 之 就 係 露 晒 底 啦 ， 難 兄 唔 驚 又 點 會 推 難 弟 開 口 ？ 可 憐 呢 份 西 報 ， 淪 為 蘋 果 遮 醜 布 ！ 東 方 報 業 集 團 回 饋 廣 大 讀 者 ， 日 日 有 優 惠 ， 太 陽 生 生 發 發 ， 日 銷 三 十 八 萬 份 ， 太 陽 讀 者 眼 睛 雪 亮 ！ 太 陽 做 二 哥 ， 刺 激 大 哥 東 方 快 馬 加 鞭 ， 同 樣 有 優 惠 ， 同 樣 精 益 求 精 ， 東 方 太 陽 龍 兄 虎 弟 又 創 雙 贏 ！ 市 場 個 餅 係 咁 大 ， 有 人 贏 就 梗 係 有 人 輸 ， 咁 係 邊 個 輸 呢 ？ 你 話 蘋 果 冇 輸 ， 好 牽 強 ！ 南 早 一 早 冇 晒 公 信 力 ， 亦 接 近 被 人 遺 忘 ， 此 所 以 係 唔 係 都 嘈 ， 當 係 博 「 見 報 」 囉 ， 做 報 紙 做 到 要 咁 博 見 報 ， 距 離 「 墮 落 」 都 不 遠 矣 ！ 仲 有 呀 ， 蘋 果 再 係 咁 跌 ， 終 於 會 跌 到 落 地 ， 最 後 命 運 就 係 與 爛 泥 同 腐 ， 變 為 肥 料 ！ 東 方 太 陽 始 終 高 高 在 上 ， 和 煦 微 笑 曬 遍 大 地 ， 滿 堂 吉 慶 、 雙 喜 臨 門 好 日 子 ， 我 實 在 唔 介 意 ， 門 外 有 人 唱 衰 ， 只 要 佢 速 速 過 主 ！

- 太陽報, 3 Nov 2005



請梅艷芳魂保護藝人

樂壇百變歌后梅姐，一縷芳魂，早已在全世界歌迷之祝祈聲中進入仙道，位列仙班矣！緣何今日鬼谷子卻大聲疾呼「梅艷芳！魂兮歸來」耶？《古今論壇》有個死鬼毛澤東，生前為一齣叫做《孫悟空三打白骨精》的紹劇，寫了「今日歡呼孫大聖，只緣妖霧又重來」的好句，而今日鬼谷子叫喚梅艷芳，只緣傳媒妖孽《壹本便利》又為害娛樂界，惟有請梅艷芳一秉生前的凜然正氣，棒打肥佬黎這個爛蘋果變成之白骨精！事緣藝人梁詠琪在北京工作期間，返回酒店房間時，以為是撞了邪、遇了鬼，卻原來是《壹本便利》兩名男女記者施「爆房」之妖術，竄進梁詠琪的私人空間，企圖竊取獨家私隱資料。一個女孩子之閨房秘密甚多，開講有話，女人手袋，機密無窮，更何況是一個名女藝人下榻之酒店房間？肥佬黎壹傳媒旗下之記者做狗仔隊，膽敢挑戰法律，可謂狗膽包天！ 肥佬黎作孽 誨淫誨盜肥佬黎壹傳媒常以「維護人權」、「爭取民主」為招徠，但卻是掛羊頭、賣狗肉，侵犯版權、侵犯個人私隱，印製的六合彩報被走私內地荼毒同胞圖利，刊登色情及令人惡心之不雅相片，端的是誨淫誨盜，誤盡蒼生。肥佬黎壹傳媒旗下刊物又時常攻擊內地無人權、無法治，但是，卻要壹傳媒記者去北京挑戰法律、侵犯人權、破壞法治、傷害藝人。這真是人神共憤。這件事為何又關梅艷芳事？只緣梅艷芳生前曾遭惡勢力欺凌，所以嫉惡如仇，遇有娛樂圈中有人受害，梅姐一定以大姐大姿態站出來，柳眉倒豎、杏眼怒睥，帶頭上街遊行抗議，登高一呼，不但圈中人齊齊響應，連迷哥迷姐以及廣大市民也加入聲討行列。如今梅艷芳一去，娛樂圈中竟無人為梁詠琪出頭與肥佬黎壹傳媒理論，鬼谷子不由得要嘆句：「人間何世！」竟可任由一個由爛蘋果妖變的孽障橫行霸道，目無法紀！鬼谷子呼籲北京公檢法機關，一定要依法辦事，將涉案之壹傳媒記者嚴辦，以彰法紀，以正視聽，以儆效尤！以保障基本人權，以保護旅客在酒店之安全。鬼谷子也焚香拜請梅艷芳擔大旗，召集黃家駒、張國榮、鍾保羅、羅文、黃霑等「藝鬼」，暗中保護藝人，免受傳媒敗類爛蘋果之傷害。肥佬黎，別以為和尚打傘無法無天，須知天網恢恢，疏而不漏，善惡到頭終有報，惡有惡報，善有善報，不是不報，時辰未到，時辰一到，一定全報！藝人亦要團結互助，更要敢於向惡勢力挑戰，否則你不發火，壹傳媒就當你病貓，一於要梅姐上身，怒吼

- 太陽報 4 Nov 2005



南早阿伯無厘頭　亂評棋局老眼花

《 東 方 日 報 》 每 天 送 禮 回 饋 讀 者 ， 功 夫 茶 今 日 亦 來 個 加 料 大 放 送 ， 煮 茶 送 隻 鶴 。 有 乜 挑 起 功 夫 茶 條 筋 ， 要 煮 隻 鶴 ？ 咪 就 係 塘 邊 鶴 《 南 華 早 報 》 囉 。 呢 份 英 文 報 紙 有 正 經 事 唔 去 做 ， 反 而 對 於 唔 關 佢 事 中 文 報 壇 阿 芝 阿 左 。 正 所 謂 ， 觀 棋 不 語 真 君 子 ， 家 陣 《 太 陽 報 》 迎 頭 趕 上 《 蘋 果 日 報 》 ， 成 為 報 壇 二 哥 ， 就 好 似 捉 棋 咁 ， 太 陽 仔 就 將 生 果 報 殺 車 去 炮 ， 好 快 將 軍 ， ， 南 早 居 然 成 個 雞 啄 唔 斷 觀 棋 阿 伯 一 樣 ， 話 呢 步 棋 冇 用 ， 話 步 棋 行 錯 ， 亂 一 通 。 南 早 呢 個 長 氣 阿 伯 點 亂 呢 ？ 尋 日 之 嘛 ， 佢 話 ， 《 太 陽 報 》 係 就 係 銷 量 勁 升 三 倍 ， 但 係 就 吸 引 唔 到 廣 告 客 戶 喎 。 懵 到 上 心 口 南 早 阿 伯 仲 好 似 唔 記 得 戴 老 花 眼 鏡 一 樣 ， 亂 點 鴛 鴦 譜 ， 將 《 太 陽 報 》 競 爭 對 象 轉 移 為 三 份 免 費 報 紙 ， 仲 無 厘 頭 咁 話 ， 銷 量 升 三 倍 太 陽 仔 並 無 影 響 到 免 費 報 紙 廣 告 量 。 真 係 唔 知 好 嬲 定 好 笑 ， 銷 量 升 到 聲 都 話 吸 引 唔 到 廣 告 客 戶 ， 唔 通 要 跌 到 阿 媽 都 唔 認 得 先 至 可 以 賺 大 錢 ？ 啊 ， 功 夫 茶 明 白 了 ， 唔 怪 得 《 南 華 早 報 》 銷 量 係 咁 跌 啦 ， 原 來 係 特 登 ， 想 賺 多 。 仲 有 ， 太 陽 仔 明 明 跟 生 果 報 捉 緊 棋 ， 十 十 南 早 阿 伯 居 然 話 ， 噓 ， 呢 步 棋 冇 用 ， 食 唔 到 隔 籬 棋 盤 隻 車 ， 隔 籬 個 棋 手 一 影 響 都 冇 。 九 唔 搭 八 若 此 ， 如 果 《 南 華 早 報 》 總 編 輯 做 伊 朗 總 統 ， 佢 大 概 會 宣 稱 伊 朗 徹 底 擊 敗 了 美 國 ， 因 為 美 國 用 導 彈 射 爆 伊 拉 克 ， 伊 朗 完 全 冇 受 影 響 喎 ， 咁 咪 即 係 贏 美 國 囉 ！ 雖 然 話 南 早 阿 伯 懵 到 上 心 口 ， 但 係 佢 始 終 未 變 植 物 人 ， 仲 有 少 少 理 性 。 早 幾 日 佢 先 至 話 ， 《 太 陽 報 》 促 銷 以 來 ， 對 所 有 報 紙 包 括 《 蘋 果 日 報 》 在 內 都 毫 無 影 響 ， 獨 係 傷 姊 妹 報 《 東 方 日 報 》 。 呢 種 荒 謬 到 極 怪 雞 言 論 當 然 完 全 不 可 信 ， 唔 通 布 殊 開 機 關 槍 射 人 ， 個 個 都 射 唔 中 ， 淨 係 會 射 中 布 殊 阿 媽 ？ 南 早 阿 伯 尋 日 終 於 面 對 現 實 ， 改 口 承 認 ， 《 蘋 果 日 報 》 的 而 且 確 銷 量 跌 幾 個 百 分 點 。 其 實 嘛 ， 何 止 幾 個 百 分 點 ， 生 果 報 銷 量 起 碼 跌 兩 成 ， 南 早 係 就 係 面 對 現 實 ， 只 不 過 並 冇 面 對 全 部 現 實 ， 仍 然 身 先 士 卒 要 做 生 果 報 遮 醜 布 。 呢 個 世 界 就 係 咁 奇 怪 ， 西 人 就 該 專 心 辦 西 報 嘛 ， 英 文 報 紙 跟 中 文 報 壇 風 馬 牛 不 相 及 ， 井 水 何 必 犯 河 水 ？ 咁 鍾 意 幫 生 果 報 拖 ， 《 南 華 早 報 》 不 如 改 用 中 文 寫 古 仔 ！ 之 不 過 咁 ， 假 如 南 早 以 中 文 發 行 ， 睇 怕 又 會 淪 為 送 都 冇 人 要 免 費 報 紙 ， 點 解 咁 講 ？ 唔 係 功 夫 茶 心 腸 惡 毒 ， 而 係 南 早 阿 伯 連 「 觀 棋 不 語 真 君 子 」 七 粒 中 文 字 都 唔 識 ， 若 辦 中 文 報 紙 ， 死 得 ！

- 太陽報 5 Nov 2005