打爛仔交

多謝妒忌《太陽報》 醒支涼茶降心火

正所謂，不招人妒是庸才，《太陽報》剛剛超越《蘋果日報》，榮升二哥，即刻招來妒忌之謗語。香港回歸之後早已變得冇乜牙力既《南華早報》昨日竟然話，《太陽報》回饋讀者行動展開以來，對《蘋果日報》之銷量並無影響，對其他報章亦無影響，反而傷及姊妹報《東方日報》。都好既，有人肯用無聊廢話來中傷你，證明你唔係庸才。妒忌，其實係變相既誇賞，太陽仔只能說一聲，多謝！
拿，講真，用鬼話寫既《南華早報》??係乜?怪雞邏輯呢？《太陽報》連日來銷量勁升十多二十萬份，前天更創下日銷三十八萬份之紀錄，清脆利落躍居第二位，何解份份報紙冇影響，獨係同一集團既《東方日報》有影響？若然你話人人都有影響，包括《東方日報》，咁都似層層?，都可以呃到?不懂中文?菲傭。但係你無厘頭咁話，太陽曬唔到西面、南面同埋北面?，淨係曬到東面?咋，咁就擺明搵笨啦，係冇？
怪雞邏輯不值一駁，太陽仔只須敬告尊貴讀者兩個事實。第一，《太陽報》前日銷量三十八萬份，經過會計師行核實，冇花冇假，多過自稱印數三十五萬份之《蘋果日報》（未減廢紙與回紙）；第二，《東方日報》銷量維持原有水平，仍然高踞全港第一，就係咁多。至於《蘋果日報》以及其他報紙銷量跌了幾多，咪等佢?再隱瞞多一陣囉。
尊貴讀者太陽迷，我?時運高，鬼話聽完就算，無謂放在心上，不必戥太陽仔激心。見怪不怪，其怪自敗也。我?講番?開心野，乜野咁開心？梗係送禮品啦！
今日又有乜?送呢呵？哎呀，正?喎，鴻福堂銀菊露或者雞骨草一支，五百毫升?款，價值七元二角，換領地點係百佳超級市場或超級廣場。呢支涼茶真係送得合時?，有些熱情之忠實讀者可能睇唔過眼《南華早報》?牽強言論，覺得簡直係替痛失第二位?《蘋果日報》遮醜，激到嬲一嬲，一時心火盛，咁就可以飲番支潤肺降火?。飲完支涼茶，大家心平氣和之後，應該可以明白太陽仔?說話，妒忌，係變相?誇賞。來，跟太陽仔一齊向妒忌者講一次，多謝！
《太陽報》照顧讀者真係無微不至，怕只怕鴻福堂銀菊露或者雞骨草真係太快換清，有人向隅，特設補飛服務。何謂補飛？即係話，你不幸換唔到涼茶的話，請保留換領券，當作百搭券，日後可作為三蚊現金券使用，實無走雞。至於詳情如何，務請各位讀者留意日後之公布了。

-------------------------------------------------------------------------
以本傷人, 打爛仔交有咩用呢?
送左成個星期野先賣多《蘋果》 3 萬,
但係東方報業股價就係咁插水.
唔係幫《蘋果》, 只係睇唔過眼東方集團既手法.
「原來新聞求真求準確的價值，已不如這些派糖似的小優惠的價值。」-inmedia, 31, Oct, 2005